Archiv 2011

2011: Radio ArGoofia

*In diesem Jahr wurde fast ausschliesslich die Goofe-Melodie verwendet eigentlich: De Herr Jöhri (Linard Bardill) aber etwas verfälscht.

Einzug

Goofe-Melodie*

Mer sind d' Oberfläcke-Goofe
Singed was das Johr isch gloffe
Mer sind d' Oberfläcke-Goofe
Wer än Seich häd gmacht
Werd nöm Ruhig chönne Schloffe.

Streng geheim Helge: Taki

Goofe-Melodie*

Wikileaks macht d'Wält transparänter
Meh gsehd d'Missständ i allne Länder
Au d'Schwiz chund do nid gut devo
Was wird echt als no usecho

Söt öpperd euse PC hecke
Und eusi gheime Bänk ufdecke
Denn hend mer Goofe Gott sei Dank
Zur Not dehei es | Gwehr im Schrank

D'Finanzkrise Helge: Mina

Goofe-Melodie*

D'Finanzkrise die schlimmi Süch
gschpört mer ide Köpf ond Büch
Drom bruchts äs bezli Inovation
Suscht stürtz die Krise nie vom Thron.

Johi: A dere Stell messt öpper ei Helge dreie
Mina: Aha, das heisst ich muess in suure (dreht) Öpfel bisse.

Mer Goofe gänd im Steve en Klops
Ond schaffed mit Ideä Jobs
Oises Produkt wänd all dihei.
mer nännets i | ond sesch es Ei

Schwarze Schafe Helge: Meinrad

Melodie: arabisch (Mani Matter)

De Oskar Freysinger vo Savièse
Het mau am Morge früh dänkt äs langt jetze
Ir Strass vo der minarettlose Moschee,
Het är nor d'Ouge gseh.
Ond dänkt jetzt tuen ich d' Lüüt mit Burka Stresse
(Ab hier die Goofe-Melodie*)

Mer Goofe säged dasch en Shit
Das Vorhabe got zwenig wiit
Mer schloend as Chopftuechverbot vor
Dänn gsächti mer d'Hoor | vom Chris von Rohr.

Pendlerwahn (Zorzi) Helge: Myrta

Goofe-Meoldie *

’Doris Leuthard vom Bundesrat
Vo Rumplanig sehr viel verstoht.
Was bruchsch dänn Mobilität, als Goof
Verstohsch vo pändle nor Bahnhof.
Min Papi hät eus dänn erchlärt
De Bode segi öppis wert.
Wo jetzt no Wese isch und Wald
Sött mer d’Grüenflächi phalte halt.
D’Frau Leuthard meint mer müess ned immer
Of Bade, Spreitebach und schlimmer.

Ichäuf uswärts mue mer vergässe
Im Fläcke gets gueti Adresse.
En Weg wo mer sich gschieder spart
Isch dä in Coop ' met | de Zurzi Card

Siebeneinhalbminutentakt RVBW (Bade) Helge: Andrea

Goofe-Melodie*

Das’ seb’ne-halb Minute goht
Wenn mer a de Haltstell stoht
Bevor de nächschti Bus werd cho
Wie esch de Rhythmus denn zverstoh?
(de Bus Nommerä 9 richtig Roggenbode folgt i 29.5 min)
Wieviel seb’ne halb Minute sind
Bringed mir Goofe ned in Grind
Wie wott d’RVBW das mache?
Stönd die nur uf halbi Sache?
(de Bus Nummer 9 Richtig Roggenbode folgt i 14.5 min)
In Zuekonft wämer got id Bäder
Brucht mer kei Pfote und kei Räder.

D’ Gondle schnurrt im nächschte Akt
Sogar im halb Minute Takt
Dä Usbau wär en riise Satz |
Aber, wir warten, | | | für die Katz.

Fussball-WM-Kandidatur Helge: Mina

Goofe-Melodie*

Wänn de Depp Blatter ä WM wett
Spielt d’FIFA russisches Roulette
Dä Bekham und de Williäm
Händ es top Dossier für d’W-Äm
Das Engagement wird ned verschmuust
Drum esch Ängland ned amused

Die Gschicht hät au no ä Moral
De Kate isch Fuessball scheissegal.
Mer Goofe chönd de Grund erahne
Ihre Prinz hät jetzt Ziit zom | d’Hochziit plane.

Campus-Bau (Zorzi) Helge: Myrta

Goofe-Melodie*

Demet im Aargau au die Helle
Sich labe chönd a Wössensquelle
Werd z’Brugg en Campus bout, en fade
Als Goof meinsch die müend im Geld bade.
Doch de Kanton verloht die Wälle
Er tuet Entscheid au sparsam fälle.
Während in Brugg s’Geld heiss cha sprudle
Fehlt’s Zurzi zom, en Tunnel buddle

Royal-Nutzung (Bade) Helge: Taki

Goofe-Melodie*

Zom Thema Bäder Stadt Kultur
Säged mer Goofe eifach nor
Bade statt Kultur! Kultur statt Bade!
Stadtkultur! Fort met däne Gade!
Drizäh Parkfälder hetts gäh, im Fall,
Wo jetzt stoh bliibt s’Kino Royal.
Mer gseht es miechti beides Sinn
Drom mached drus jetzt, es drive in.

Machterhaltung Helge: Urs

Goofe-Melodie*

Il Cavaliere us em Nochberland
Bütet jo so allerhand
Er strahled und isch immer fit
Wiit weg liit sini Halbwärtsziit.

Mer Goofe händs scho längstens gschnallt
Das d’Macht z’Italie ned zerfallt
Bevor Er zrogg tritt de Versager
Hät d’Schwyz bestimmt scho | äs Ändlager

Zeddel 2011 als PDF